TƏDQİQAT MÖVZU HOVUZU PLATFORMASI

I. Ümumi Tələblər

Dissertasiya kompüterdə latın əlifbası ilə, Times New Roman şrifti (14 pt), 1,5 sətir aralığında hazırlanmalıdır.

Mətn vahid formatda, oxunaqlı və elmi üslubda olmalıdır.

Səhifə parametrləri:

Sol boş sahə: 30 mm

Sağ boş sahə: 10 mm

Yuxarı və aşağı boş sahələr: 20 mm

Dissertasiya həcmi əlavələr daxil olmaqla təxminən 50-60 səhifə aralığında olmalıdır.

Dissertasiya cildlənmiş formada təqdim edilir.

II. Struktur Elementlər

Dissertasiya mətn baxımından fəsil, yarımfəsil və bəndlərə bölünür.

1. Başlıqların Qaydaları

Fəsil başlıqları: böyük hərflərlə, mərkəzdən yazılır.

Yarımfəsil başlıqları: abzasdan başlayır, yalnız ilk hərf böyük yazılır.

Başlıqlarda sətirsonu hecalanma və nöqtə istifadəsi yoxdur.

Hər fəsil yeni səhifədən başlanır.

Başlıq və mətn arasında iki interval məsafə saxlanılır.

2. Dissertasiyanın Struktur Bölmələri

• MÜNDƏRİCAT
• GİRİŞ
• ƏSAS HİSSƏ (FƏSİLLƏR)
• NƏTİCƏ
• İSTİFADƏ EDİLMİŞ ƏDƏBİYYAT
• ƏLAVƏLƏR

III. Nömrələmə Qaydaları

Səhifələr: ərəb rəqəmləri, səhifənin yuxarı sağ küncündə.

Titul vərəqi nömrələnmir.

Struktur nömrələmə:

Fəsillər: rum rəqəmləri (I, II, III…)

Yarımfəsillər: 2.1, 2.2 …

Bəndlər: 2.1.1, 2.1.2 …

Mündəricat, giriş və nəticə nömrələnmir.

IV. Cədvəl və İllüstrasiyalar

Cədvəllər:

“Cədvəl” ilə işarələnir, başlığı cədvəlin üstündə yerləşir.

Şrift: 12 pt, 1 interval.

Böyük cədvəllər hissələrə bölünə bilər, “ardı” qeydi ilə davam etdirilir.

Şəkillər və qrafiklər:

“Şəkil” ilə işarələnir (məsələn, Şəkil 1.2).

Adı şəkilin altında göstərilir.

Mətnlə ardıcıllıqla yerləşdirilməli və şərh edilməlidir.

V. Düsturlar

Düsturlar ardıcıl nömrələnir, nömrə sağ tərəfdə mötərizədə göstərilir.

Simvollar izah olunur və “Burada” sözü ilə başlanır.

Düsturlar mətnlə boş sətirlər vasitəsilə ayrılır.

VI. İstinad və Ədəbiyyat

İstinad APA 7 formatına uyğun verilməlidir.

Mətn daxilində: (Mammadov, 2024), (Hansen et al., 2022) kimi.

İstifadə edilmiş ədəbiyyat siyahısı:

əlifba sırası ilə, nömrələnmədən;

minimum 40 mənbə, son 10 ilin ədəbiyyatı üstünlük təşkil etməlidir.

İstinadların idarəsi üçün Mendeley və ya Zotero tövsiyə olunur.

VII. Mündəricat və İxtisarlar

Mündəricatda bütün fəsil və yarımfəsillərin səhifələri göstərilir.

İxtisarlar: “İxtisarların siyahısı” altında verilir; az istifadə olunan terminlər ilk dəfə izah edilir.

VIII. Əlavələr

Əlavələr əsas mətnin köməkçi materiallarını əhatə edir (cədvəl, qrafik, sənəd və s.).

Hər əlavə yeni səhifədən başlanır, “Əlavə 1, Əlavə 2 …” kimi nömrələnir.

IX. Elmi-Metodoloji Tələblər

Tədqiqatın aktuallığı və boşluğu:

Mövzu müasir elmi və praktik problemlərə əsaslanmalıdır.

Tədqiqat boşluğu (research gap) mövcud ədəbiyyat təhlili ilə müəyyənləşdirilməlidir.

Tədqiqat sualı və məqsədi:

Sual konkret və ölçülə bilən olmalıdır.

Məqsəd həmin sualın elmi əsaslarla cavablandırılmasına yönəlir.

Tədqiqat vəzifələri:

Məqsədə nail olmaq üçün mərhələli vəzifələr müəyyən edilir.

Obyekt və predmet:

Obyekt: araşdırılan proses və ya sistem.

Predmet: obyekt çərçivəsində tədqiq olunan aspektlər.

Metodlar:

Nəzəri, empirik və riyazi-statistik metodlardan istifadə edilməlidir.

Elmi yenilik və nəticələr:

Əldə olunan yeni nəticələr, modellər, yanaşmalar və praktiki tövsiyələr göstərilməlidir.

Praktiki əhəmiyyət:

Nəticələr real sektor və idarəetmə üçün faydalı olmalıdır.

X. Struktur və Həcm Tələbləri

Giriş: 4000–6000 işarə, mövzunun aktuallığı, məqsəd, vəzifələr, obyekt və predmet, metodoloji baza, elmi yenilik və praktiki əhəmiyyətin göstərilməsi.

Əsas hissə: 3 fəsil:

I fəsil: Nəzəri və metodoloji əsaslar; mövcud ədəbiyyat, problemlərin nəzəri və praktiki mahiyyəti.

II fəsil: Analitik və empirik təhlil; statistik göstəricilər, nəticələrin əsaslandırılması.

III fəsil: Mövcud problemlərin həll yolları istiqamətində təqdim edilən elmi yeniliklər və irəli sürülən təkliflər, modellər, praktik tövsiyələr.

Hər fəsil müəyyən həcm balansını qorumaqla 15-20 səhifə aralığında olmalıdır.

Nəticə: 3000–4000 işarə, konkret olaraq yekun elmi nəticələrin, lakonik nəzəri və praktiki əhəmiyyətin vurğulanması, eyni zamanda gələcək tədqiqat istiqamətlərinin də müəyyən edilməsi.

XI. Texniki və Etik Tələblər

Akademik yazı standartlarına uyğun, məntiqi və ardıcıl.

Plagiatdan tam azad.

İstifadə olunan bütün mənbələrə düzgün istinad.

Elmi etik normalara riayət olunması və müəlliflik hüquqlarının qorunması.